2011年2月北海道道東道北12日 - 告別 Pension Atreyu~

 2月23日 - DAY 5 (PART 2)
釧路川 > Pension Atreyu > 摩周站 > 釧路

完成左個canoeing，我地上返岸，準備返去Pension....靚仔guide就獨力將兩隻canoe拉返上岸，好大力呀!!




要離開釧路川啦，真係好唔捨得....


正當準備離開之際，靚仔guide忽然唔知響邊度攞左兩對snowshoe出黎叫我地著...


佢解釋話平時行一d好深嘅雪地會好難行，尤其d及膝嘅厚雪，對腳踩落d雪入面好難行第二步，但如果著左呢d雪鞋就可以行得好舒服~


真係好奇妙呀，著左對snowshoe，踩落個雪地上面完全唔會陷入雪入面，真係行得好舒暢呀!!


呢條就係我著左snowshoe行過嘅痕跡~


不過唔知點解對snowshoe對老爺黎講好似唔係好work，完全卸唔到力咁...


仲要成個人陷入晒落雪地入面，d雪好深呀...唔通老爺太重磅?? 成日都叫佢快d減肥啦，哈哈...好在行多一陣佢開始習慣知道點樣駕馭對雪鞋~


我地要穿過個森林先可以行返去Pension...靚仔guide無著snowshoe都行得好輕鬆，完全無懼d雪會有幾深，厲害呀!!

呢個snowshoeing Pension另外有provide獨立嘅體驗programme，4000円一位玩兩個鐘....嘻嘻，我地今次唔駛錢有得玩埋，雖然短短15分鐘，但都有賺啦，好開心呀!!

行行下靚仔guide話發現有動物走過嘅痕跡呀....


佢話睇個track應該係下面呢隻動物，不過我睇埋圖片都唔知係咩

呢棵樹旁邊又有動物嘅track，不過今次係啄木鳥....


樹上面好明顯有被啄木鳥啄過嘅trace~


唔講唔知，原來好多樹都俾啄木鳥啄過嫁~~


著住對snowshoe穿越森林真係好輕鬆，沿途又學下點樣去trace一d野外動物嘅track，呢個snowshoe trekking真係別有一番樂趣呀!!


穿越晒個森林，見到Pension Atreyu啦!!

我地住嗰間木屋呀~




入屋前要除返對snowshoe先~


返到去主樓差不多11:00，第一時間將身上嘅dry suit、防水褲除去先，之後就同靚仔guide同女主人傾下計...記得食dinner嘅地方有張枱放左好多相簿，原來d相都係靚仔guide影嫁，佢攞起幾本同我地介紹，嘩，d相好靚，真係好專業呀!!


呢隻馬好巨呀，高大威猛嘅靚仔guide坐上去都顯得好細粒....


相入面呢位係靚仔guide嘅太太，佢話佢同太太都好鍾意大自然，唔鍾意城市生活，兩公婆又熱愛攝影，好難得呀


我地打算搭12:05由摩周站開出嘅JR去釧路，Pension會安排車我地去摩周站，趁仲有d時間，我地又周圍逛下影下相...今次呢個民宿嘅體驗好正呀...要走喇，真係有d唔捨得囉!!








Snow chain，對於我地黎講好新鮮呀...上次響中部雪地自駕我地都只係用snow tire~




個天好藍，天氣咁好，同我地嘅心情一樣~


想幫襯買罐野飲都無辦法喎...

我地剛才由森林行返黎嘅痕跡都仲響度呀~


之後我地就返去房攞返d行李，去返主樓同女主人找埋條數...唔計尋晚dinner時order嘅啤酒，埋單每人15,500円，呢個費用包左一泊二食同埋今朝嘅canoeing，真係好抵呀!!


11:30就同女主人say goodbye，自從早餐之後都未見過男主人，唔知係咪出左去外面做野...女主人好熱情臨走仲同我黎個hug，搞到我好唔想走....

Bye-bye Pension Atreyu!!


車我地去摩周站嘅係靚仔guide呀...hehe，真係唔該晒佢，連司機都做埋~






由Pension去摩周站大約10分鐘~


去到靚仔guide好好人仲幫我地將d行李拎埋入去車站入面，同佢bye-bye後我地就先去買車票...


雖然我地有 4 day JR pass，不過因為由摩周去釧路嘅車資只需1,600円，而今日我地只會搭呢一程JR，如果用JR pass就會浪費左一日，所以情願另外買車票都要留返一日嘅quota俾之後嘅長程車~




仲有十多分鐘，周圍逛下，不過其實都無咩好行，呢個車站都好細下...

不過幾細嘅地方都難唔到我呢個shopaholic...尋日中午食過摩周豚丼，臨別秋波整返盒便當回味下先....點知原來呢個便當係得個吉盒，要即叫即做，邊度做呢? 原來就係尋日我地幫襯過車站旁邊嗰間ぽっぽ亭做嫁....死啦，唔知要搞幾耐，我地得十分鐘唔夠喎，便利店檔主知我地趕車就不斷催食店....


好在最後都趕得切...真係嚇餐死!!


呢列車得一卡自由席車廂，都好full下，好彩我同老爺都各自執到個位....呢條釧網本線係由網走開出至釧路，早幾年我地去釧路同網走玩時都有搭過呢條線，不過當時梗係揀搭古典嘅SL冬之濕原號啦，由釧路搭到去標茶，經過釧路濕原站時會睇到丹頂鶴...上次已經搭過所以今次都無刻意去就時間搭呢列蒸汽火車~




攞返張整理券先....


老爺話都買左車票做咩仲走去攞整理券好無聊...我鍾意呀，吹咩


唔理咁多，坐低就即刻開餐啦....


Yummy yummy!! 同尋日響食店食嘅味道一樣~


我地各自坐響左右兩邊橫位面對面，所以可以將d野食遞來遞去，同埋幫對方影相，不過旁邊d乘客唔知會唔會覺得我地好煩呢，因為我地兩兜友都真係好typical嘅遊客囉，一上車就除羽絨開餐影相影video都無停過....


食飽飽就去車頭昅下....


沿路風景都幾靚~




Hello, 車長~

途經一d地方係山邊，望落去山下都幾恐怖...


火車行行下差不多去到一個車站時，忽然之間好多人湧埋黎車頭...原來車長通知大家響月台盡頭有兩隻丹頂鶴企左響度...我當然拿拿聲叫正在同周公傾緊計嘅老爺快d過黎湊熱鬧啦~




原來到左釧路濕原站，唔怪得知有丹頂鶴出沒...火車停左一陣好快又開動嘞~



正當大家聚晒響車頭爭取時間欣賞緊嗰兩隻月台丹頂鶴時，原來響另一邊又有兩隻丹頂鶴響雪地上hea緊....好開心因為之前無諗過會見到丹頂鶴，又賺左啦....世事就係咁，有d野你愈係刻意強求遷就亦未必遇到，反而隨緣d會有意外收獲~


好準時地13:19到達釧路站....

久別重逢...

景物依舊，不過上次黎嘅時候係白雪紛飛，我地仲要拖住個行李好辛苦咁響雪地上行左十分鐘去酒店，今次反而一粒雪都無~






上次黎釧路係觀光，其實釧路都無咩景點，講真個漁人碼頭都無咩料到...今次我地係過境性質，只會響度停留40分鐘，之後就要離開搭車去阿寒....得咁小時間當然去搵地方醫下個肚先，話時話因乜呢個車站條商店街咁水靜河飛嫁...




得半粒鐘上館子未必夠時間喎...




索性買便當? 不過剛剛先食過個豚丼便當....




最後我地搵左呢間coffee shop食個簡簡單單嘅cake就算~




呢間coffee shop係自助式，有一半地方係放麵包蛋糕....


呢個咖哩包同豚肉包係當店特別推介，一於試下先~






總共夾埋640円，呢個lunch好平呀


食完記得將個tray同殘餘物資放返去返卻口，日本人好守禮嫁，HK人唔好失禮人~


差不多兩點係時候要去搭shuttle bus去另一個好期待嘅地方，阿寒湖呀!!


(...待續)