2011年2月北海道道東道北12日 - 最難忘嘅晚餐!!

2月22日 - DAY 4 (PART 9)
古丹溫泉 > Pension Atreyu

離開古丹溫泉，好快就返到去Pension....

呢個時候先係五點鬆d，七點先食晚餐，趁個天仲未黑晒，我地響Pension周圍影下相~~

呢個view係我地住嗰間木屋嘅後面，最遠嗰度係一個森林，前面好大一片雪地....

我地當然走左去呢大片雪地上面玩啦，不過唔敢行得太遠，d雪好深嫁!

少不免一定要同兩隻bear bear影返d造型照啦~~

真係好鍾意呢張

玩到差不多天黑，凍到手腳都僵硬晒，終於捨得走返入屋.....第一時間當然拿拿聲洗頭沖涼，頭先響古丹溫泉俾嗰d好核突嘅青苔襲擊過，周身都唔舒服，好想搵消毒藥水清洗下....我地間房有兩個bathroom，可以各自舒舒服服沖洗唔駛爭.....搞掂晒就睇下電視等食飯~~

兩隻bears玩到一身都濕透，尤其係個pat pat，要烘返乾先得~

響房hea到七點就行返去主樓食dinner....主樓係一棟用木搭建嘅樓房，好有歐陸feel.....

有d手工藝品擺放響度寄賣~

好多相片，最初我地以為係主人家嘅作品，第二日先知原來係同我地去玩canoeing嗰位靚仔教練嘅大作~

睇下今晚食咩先.....

女主人走左出黎同我地傾左陣計，佢真係好nice，又成日笑容滿面，佢同我差不多高度，笑話我地一樣咁嬌小，好有親切感喎 (Hehe, 睇返d相其實我高過佢，哈!)....之後佢就走返入去幫老公手嘞~

今日咁高興，當然先啤啤佢.....

第一度菜係好好好味嘅smoked cheese，個cheese好軟滑，好鍾意個煙燻味，好正好回味，真係要俾10個讚佢呀!!!

洋蔥湯好清甜，不過略嫌份量少左d，如果大碗d就perfect啦

呢個pasta又係好好味，個potato sauce真係好正，諗返起都流口水!!

又係好正嘅煎魚，個皮真係煎得好香，仲有幾片煎薯片，好食到飛起

Main dish 係pork....wow，豬肉好軟熟呀，俗氣d講句，一路食真係有種好幸福嘅感覺呀!!

個pork係配飯嫁，唔夠可以添飯，真係食到捧住個肚!!

Dessert 係雪糕同cheese cake, the last but not the least!!

Coffee & tea

呢一個dinner可以話係今個trip最美味最難忘嘅一餐，味道好唔在講，最主要係我地感受到主人家嗰種好用心煮嘅誠意，老爺話d野食可以用充滿感情黎形容，絕對睇得出佢地係好用心煮每一度菜，同一般大量製作嘅buffet或者一般好 "行"貨嘅料理唔同，我唔識好似電視嗰d主持同食家咁形容點樣好食法，但試過就一定會感覺到個分別，好滿意好感恩好想再食呀!!!

食飽飽男女主人出黎同我地傾計，我地猛咁讚個dinner，女主人笑得好開心，男主人就好似好唔好意思咁，d笑容好怕羞咁.，哈哈.....之後我地就bye-bye離開，行到去門口，女主人突然醒起又叫返我地，佢問我地唔係想去川湯溫泉睇diamond dust咩? 因為之前同佢地plan個行程時我地提過話要去睇，但呢一日好和暖，日間最高都有6、7度，我地一早已經預左夜晚無緣睇個diamond dust啦，無諗過佢地仲記得問我地，咁我地就話唔夠凍唔係應該取消左咩? 佢地就即刻打電話去check，果然係cancel嘅.....不過後來諗返起，我地先估佢地其實係打算車我地去川湯溫泉玩，因為雖然睇唔到diamond dust，但會場仲有個diamond dust party，set左好多lighting影相應該幾靚，佢地應該係打算車我地去玩下，不過當時我地一心諗住無得睇個diamond dust，完全醒唔起個party，所以諗都無諗就同佢地講唔出去啦......

外面好黑呀，因為無咩燈，不過都睇到路.....

抬頭望下個夜空，嘩好多星星呀!! 真係好多，一堆一堆咁，好靚呀，不過相機影唔到，但睇到都已經好開心，之前曾經諗過想去參加摩周湖星紀行上山睇星星，不過當時女主人話個tour 七黠半開始，我地又plan去睇diamond dust，如果要觀星就一定唔夠時間響民宿食dinner，好彩當時無放棄個dinner，如果唔係就食唔到咁正嘅一餐啦!!

我地間木屋門口著左盞燈，好似歡迎我地返黎，好warm嘅感覺呀~~

飲飽食醉，返到房無咩好做睇下電視.....有本留言簿，睇下有無識得嘅blog友有留言先......

搵唔到有相識嘅留言，唯有我地自己寫返幾個字啦~~

Hea左一陣我地就教豬嘞.....Yeah~第四日終於完結!!!

(...待續)